Ռուբեն Վարդանյանի
կալանավորման նախապատմությունը
Լեռնային Ղարաբաղի իննամսյա ապօրինի շրջափակումից հետո, որի ժամանակ փակվել էր վառելիքի, դեղորայքի և սննդամթերքի մուտքը տարածաշրջան, 2023 թվականի սեպտեմբերի 19-ին Ադրբեջանը նախաձեռնում է արյունալի ռազմական հարձակում՝ ներխուժելով Լեռնային Ղարաբաղի Հանրապետություն։ Այս ագրեսիայի հետևանքով զոհվում են հարյուրավոր մարդիկ՝ թե խաղաղ բնակիչներ, թե զինվորականներ։ Այս ներխուժումը հանգեցնում է նրան, որ տարածաշրջանի գրեթե բոլոր էթնիկ հայերը՝ մոտ 120 հազար մարդ, բռնի կերպով տեղահանվում է:
Հենց այդ ժամանակ էլ բարերար, մարդասեր, Լեռնային Ղարաբաղի նախկին պետնախարար Ռուբեն Վարդանյանը, որը Լեռնային Ղարաբաղի մնացած հայերի հետ փորձում էր մուտք գործել Հայաստան, ապօրինաբար ձերբակալվում է։ Նրա կալանավորումը հատկապես մտահոգիչ է, քանի որ Լեռնային Ղարաբաղին ցուցաբերված բարձր մակարդակի միջազգային աջակցությունը Վարդանյանին դարձրել էր պաշտոնական Բաքվի իշխանությունների թիրախը: Ռուբենը Լեռնային Ղարաբաղի Հանրապետության այն վերջին բնակիչներից է, որոնք կամայականորեն ձերբակալվել են քաղաքական դրդապատճառներով և ապօրինաբար կալանավորվել են։ Ռուբեն Վարդանյանին անհիմն ու անօրինական մեղադրանք է առաջադրվել երեք տարբեր հանցագործությունների համար և նրան սպառնում է ցմահ ազատազրկում:
