Ադրբեջանում մարդու
իրավունքների խախտումները

Ցավոք, Ռուբենի նկատմամբ նման վերաբերմունքը զարմանալի չէ. Ադրբեջանն ունի քաղբանտարկյալներին, մասնավորապես՝ էթնիկ հայ կալանավորներին խոշտանգելու շատ լավ փաստագրված պատմություն: Հաշվի առնելով Ռուբենի ազգային պատկանելությունը, Լեռնային Ղարաբաղի կառավարությունում երբեմնի բարձրաստիճան պաշտոնյայի կարգավիճակը, նրա բացահայտ քննադատությունն Ադրբեջանին՝ Լեռնային Ղարաբաղի և նրա ժողովրդի նկատմամբ դրսևորած վերաբերմունքի համար, ինչպես նաև Ադրբեջանի Պետական ​​անվտանգության ծառայության (որը տխրահռչակ համբավ ունի էթնիկ հայերի խոշտանգումների հարցում) հսկողության ներքո գտնվելու փաստը, Ռուբեն Վարդանյանը գտնվում է վերահաս խոշտանգումների և դաժան վերաբերմունքի վտանգի առջև:

Նման վերաբերմունքը ոտնահարում է Ադրբեջանի՝ Խոշտանգումների դեմ կոնվենցիայով ստանձնած պարտավորությունները, ինչպես նաև ՄԱԿ-ի՝ Բանտարկյալների հետ վարվեցողության նվազագույն ստանդարտ վերանայված կանոնները (Նելսոն Մանդելայի կանոնները):

Ադրբեջանը պետք է դադարեցնի մարդու իրավունքների նմանօրինակ խախտումները և հարգի մարդու իրավունքների միջազգային իրավունքը, որից կախված է խաղաղությունն ու կայունությունը։

Այս անձինք կալանավորվել են ներպետական ​​և միջազգային իրավունքի ակնհայտ խախտմամբ, ներառյալ՝ Քաղաքացիական և քաղաքական իրավունքների մասին միջազգային դաշնագրի (ՔՔԻՄԴ) և Մարդու իրավունքների եվրոպական կոնվենցիայի (ՄԻԵԴ): Իրապես ապշեցնող է, որ Ադրբեջանն այս կոնվենցիաների կողմ է հանդիսանում, սակայն որոշել է այդքան բացահայտորեն ոտնահարել դրանք: