Բաքվում կայացվել են դատավճիռներ ապօրինի կալանավորված հայերի դեմ
2026 թ․ փետրվարի 5-ին Ադրբեջանի իշխանությունները հրապարակեցին ապօրինիկալանավորված հայերի դատավճիռները, որոնք կայացվել են Բաքվում տեղի ունեցած և պատշաճդատավարության ու արդար դատաքննության չափանիշների բազմաթիվ խախտումներով աչքի ընկած դատական գործընթացների արդյունքում։
Լեռնային Ղարաբաղի (Արցախ) ղեկավարության նկատմամբ դատավճիռները
Լեռնային Ղարաբաղի (Արցախ) քաղաքական և ռազմական նախկին ղեկավարության նկատմամբ կայացվել են հետևյալ դատավճիռները.
- Արայիկ Հարությունյան՝ Լեռնային Ղարաբաղի (Արցախ) նախկին նախագահ, դատապարտվել էցմահ ազատազրկման
- Լևոն Մնացականյան՝ Լեռնային Ղարաբաղի (Արցախ) պաշտպանության բանակի նախկինհրամանատար, դատապարտվել է ցմահ ազատազրկման
- Դավիթ Մանուկյան՝ Լեռնային Ղարաբաղի պաշտպանության բանակի նախկին հրամանատարի տեղակալ, դատապարտվել է ցմահ ազատազրկման
- Դավիթ Բաբայան՝ Լեռնային Ղարաբաղի (Արցախ) նախկին ԱԳ նախարար, դատապարտվել էցմահ ազատազրկման
Լեռնային Ղարաբաղի (Արցախ) երկու նախկին նախագահներ ցմահ ազատազրկման փոխարենդատապարտվել են երկարատև ազատազրկման 65 տարեկանից բարձր անձանց համար ցմահազատազրկումն արգելող ադրբեջանական օրենսդրության դրույթների պատճառով.
- Արկադի Ղուկասյան, դատապարտվել է 20 տարվա ազատազրկման
- Բակո Սահակյան, դատապարտվել է 20 տարվա ազատազրկման
Հայ ռազմագերիների նկատմամբ դատավճիռները
Դատական նույն գործընթացի շրջանակում երկարատև ազատազրկումների են դատապարտվել նաև հայ ռազմագերիները․
- Մադաթ Բաբայան – 19 տարի
- Մելիքսեթ Փաշայան – 19 տարի
- Դավիթ Ալլահվերդյան – 16 տարի
- Էրիկ Ղազարյան – 15 տարի
- Գուրգեն Ստեփանյան – 15 տարի
- Վասիլի Բեգլարյան – 15 տարի
- Գարիկ Մարտիրոսյան – 18 տարի
Մեծի Տանն Կիլիկիո կաթողիկոս Արամ Ա-ի կոչը ԱՄՆ փոխնախագահին
Այս զարգացումների ֆոնին Մեծի Տանն Կիլիկիո կաթողիկոս Արամ Ա-ն նամակ է հղել ԱՄՆփոխնախագահ Ջ.Դ. Վենսին՝ կոչ անելով անհապաղ միջոցներ ձեռնարկել Լեռնային Ղարաբաղի(Արցախ) բանտարկված առաջնորդների և Բաքվում պահվող բոլոր հայ ռազմագերիների ազատարձակման համար։
Մեծի Տանն Կիլիկիո կաթողիկոսության տվյալներով, նամակն արդեն հանձնվել էփոխնախագահին՝ հաջորդ շաբաթ Հայաստան և Ադրբեջան նրա նախատեսված այցերին ընդառաջ։
Իր ուղերձում Կաթողիկոս Արամ Ա-ն ընդգծել է, որ միջազգային իրավունքը պահանջում է ինչպեսռազմագերիների ազատ արձակում, այնպես էլ հոգևոր և մշակութային ժառանգությանպաշտպանություն։ Նա կոչ է արել անձամբ միջամտել՝ ապահովելով․
- Ադրբեջանում ապօրինի կալանավորված բոլոր հայերի անհապաղ ազատ արձակումը,
- Լեռնային Ղարաբաղում (Արցախ) հայկական հոգևոր և մշակութային հուշարձաններիպահպանումն ու պաշտպանությունը։
Կոչն արվում է Հարավային Կովկասում ԱՄՆ դիվանագիտական նոր ջանքերի շրջանակում փոխնախագահ Վենսի տարածաշրջանային այցին ընդառաջ։
